全職師奶‧Sin Mama | 美容飲食旅遊 Fashion KOL 玩樂親子Blogger: 11月 2021

2021年11月4日星期四

"上水廣場「牛摩+」獨家推涮涮鍋放題夾公仔機二合一 "

天氣轉涼最啱烚下烚下！「牛摩+」上水廣場店獨家推出左「日式涮涮鍋放題夾公仔機二合一」！有得食有得玩梗係即刻去開餐啦！！

呢度同時提供日式涮涮鍋放題同時尚夾公仔機，一次過俘虜牛控、火鍋控同夾公仔達人‼️完全中晒我心水！可以邊食邊潮玩！首推鎮店涮涮鍋「日本佐賀霜降黑毛和牛海鮮放題」同爆CP值涮涮鍋「美國極品牛小排海鮮放題」，仲有牛摩別注版湯底！「博多美人骨膠原啫喱雞白湯」造型萌爆超美顏！

✪由美國及日本引入優質牛肉，分別設60及90分鐘時段任食！

✧涮涮鍋放題共分為7個級別，包括：「美國極品牛小排海鮮放題」、「日本佐賀霜降黑毛和牛海鮮放題」、「美國極上和牛放題」、「美國特級牛肉放題」、「美國極上黑豚肉放題」、「豚肉及雞肉放題」及「美國精選牛肉放題」！晚市價錢$109起，任你按「筆直」口味選擇，豐儉由人！

✧另設自助放題區任食晚市$99起，歎盡超過50款火鍋配料、前菜小食、新鮮蔬菜和雪糕甜品；午市自助任食放題$72起！

✧日本生啤放題 +港幣$39/位

我就揀咗性價比高涮涮鍋！美國極品牛小排海鮮放題！源源不絕供應美國極品牛小排、美國極上和牛、美國特級牛肉、美國極上黑豚肉、花膠、鴨血、帆立貝、海蝦、墨魚仔、廣島蠔和經典港式醬爆瀨尿牛丸等17款上乘食材！

加上自助放題區，粟米、蕃茄、米線、薯粉、米線、多種唔同蔬菜！甜品方面都有好多唔同口味！啫喱、布甸、泡芙、糕品等選擇仲有埋雪糕！

飲品都有好多選擇！飲品櫃有齊汽水、冇汽飲品同埋茶類！最驚喜係有埋成部咖啡機喺度！同埋沙冰都有兩種口味！真係一次過滿足我地所有願望！餐廳空間感十足超級寬闊！充滿童趣玩味繽紛色彩！上菜速度非常快！店員服務周到，主動幫我哋加湯同收碟！

✪精明眼提提大家新店優惠

✧只需掃瞄位於上水港鐵站A出口的牛摩+廣告燈箱上之QR Code二維碼，凡於惠顧時出示有關圖片，即可獲神秘禮品乙份。(優惠期2021年10月29日至2022年1月28日)

✧新張期間凡惠顧滿$300，即可獲牛摩+夾公仔機代幣5枚。(公仔數量有限，夾完即止)

牛摩+ wagyu more plus

上水廣場 Landmark North

5樓513號舖

"新城市廣場【Sweetmas Market】歐陸聖誕甜蜜嘉年華"

沙田新城市廣場以比利時布魯塞爾聖誕市集為創作靈感，係11月5日至明年1月2日期間於1樓羅馬廣場舉行【Sweetmas Carnival & Market】歐陸聖誕甜蜜嘉年華！將聖誕嘉年華會之精髓如旋轉木馬、摩天輪、熱氣球等遊樂設施！以及美食甜點攤位打造成IG瘋狂洗板主角！仲有童趣有獎攤位遊戲，為慈善機構「大銀力量 Big Silver」籌款，今個冬日大家由內而外均散發著天使美麗光環，亦為身邊有需要人給予最溫暖力量！

~5大遊樂場打卡區仿如置身歐洲經典聖誕市集！

「玫瑰星球旋轉木馬」、「閃耀聖誕樹大道」、「雲間摩天輪」、「飄夢熱氣球」及「戀戀玫瑰園」

~3大自拍放閃位甜度超標放閃自拍場景

「雲飄飄空中月」、「融愛雪糕球」及「紅粉花牆鞦韆」

~ 大家更可憑慈善捐款或會員積分參加 4個攤位遊戲！

「Happy Rainbow」、「Candy Scoop」、「Toss The Color Cup」及「Rings Toss」，捐款將全數撥捐支援照顧者慈善機構「大銀力量 Big Silver」，為一眾未能出外感受佳節氣氛的照顧者送上暖心祝福，今個Sweetmas，愛與被愛，都是這麼甜！

新城市廣場精挑細選出多個超人氣本地創意品牌坐陣「Sweetmas美食市集」！由蛋糕、麵包、果醬、朱古力以至節日特飲及美酒皆應有盡有！於英國及日本世界級柑橘果醬比賽中橫掃多項大獎「Jam Story果醬二三事」、由營養師主理手工製無添加堅果醬「NuttieB」、榮獲國際賽季軍麵包情侶檔「享樂烘焙」、全港首創手作夾心牛角包窩夫Croffle「Slowmoffle」、日本大阪得獎高級「Shokupan專門店 - SAKImoto Bakery嵜本」、酒品平台「Barlove」、從胃部培養精神健康的本地糕點店「Miss Pisces 雙魚小姐」，以及以香港自產蜂蜜釀製Melluna蜂蜜酒「蜜語Beetales」等，全方位滿足各位甜心，獻上Sweetmas盛宴！

~【Sweetmas Market】為各位精心打造了窩心DIY小禮物方案！「聖誕愛心工作坊」由身心靈手作坊「Baby.BreatheLn閑閣」教授以韓式線香製作薑餅人、雪人、聖誕葉果等形狀的聖誕特色香薰，利用天然草本材料和配合各種功效天然精油，撫慰心靈，在繁忙又急促生活中重新調整身心靈的狀態，關顧自己內心需要，部份成品更將轉贈予照顧者，以緩解他們每天的壓力，給予精神上的支持。只要捐款50元予慈善機構大銀力量或The Point 會員以3,000積分即可參加「聖誕愛心工作坊」，療癒人心