♡小公主神燈美食之旅♡

 

♡小公主神燈美食之旅♡

話說我同爹哋每個星期都會抽時間每個小朋友都獨立帶佢哋出街食飯行街一日❀有邊個小朋友唔鍾意獨霸爹哋媽咪吖❀今次我同爹哋就帶小公主一齊嚟到佐敦呢間神燈海鮮酒家食晚餐❀小公主一坐低嘅時候已經好興奮因為呢度個餐牌好得意！係用竹卷做成嘅餐牌❀最後我哋揀咗四個餸同埋一個小食

☆伊比利亞叉燒皇

爸爸食咗一嚿之後超級興奮望住我同我講！嘩呢度啲叉燒點樣整㗎點解個味道咁正㗎！我唔係廚師我都唔知點整❀好食就食多幾舊啦❀呢度嘅叉燒入口鬆化，醬汁滿佈叉燒每一個角落！食落去甜甜地好好味，油脂分佈得好平均，係超級靚仔嘅半肥瘦！層次分明❀點算啊我哋之後食唔番咁好食嘅叉燒點算吖❀好啦好啦爹哋我哋下個星期同阿哥再嚟食多次❀

☆星洲麥皮蝦

新加坡超級出名嘅菜式🇸🇬太量香脆麥皮包裏面收埋咗6隻超級大隻嘅新鮮大蝦❀每一隻大蝦都肉質鮮甜爽口彈牙❀爹哋就練歌連個蝦殼都啜到舔舔脷❀

☆百花炸釀松葉蟹鉗

大家睇吓張相放喺小公主側邊嘅對比就知道呢個百花炸釀松葉蟹鉗有幾大隻❀外層炸到超級香脆！一啖咬落外層卜卜聲❀超級正！裏面嘅蟹肉彈牙質鮮❀

☆翡翠珊瑚炒帶子

呢一味係爹哋嘅最愛珊瑚份量都好多而且超級爽口，帶子大大粒仲好有厚度！鮮甜美味❀

☆金磚豆腐

雖然佢係小食不過份量都好多！外層炸到金黃香酥，裏面嘅豆腐柔軟滑嫩！小公主用佢嚟送飯食咗一大碗❀

☆食飽飽仲有甜品送！杞子桂花糕

桂花糕晶瑩通透，大大粒杞子喺裏面！清甜美味❀